Microsoft kompaniyasi tomonidan tayyorlangan so‘nggi tadqiqotda, sun’iy intellekt tufayli kelajakda yo‘qolib ketishi mumkin bo‘lgan 40 ta kasb ro‘yxati e’lon qilindi. Tarjimonlar, konsyerjlar, tarixchilar, geograflar, video muharrirlar, veb-dasturchilar va hatto modellar bu xavf ostidagi kasblar qatorida qayd etilgan.
Ushbu ma’lumotga ko‘ra, AI texnologiyasi ayniqsa, ma’lumotlar bilan ishlash, xizmat ko‘rsatish va kommunikatsiya sohalarida ishlaydigan mutaxassislarga katta ta’sir ko‘rsatishi mumkin. Yangi ro‘yxatda insonning ijodiy qobiliyati yoki to‘g‘ridan to‘g‘ri jismoniy mehnat talab qilinadigan kasblar nisbatan xavfsiz bo‘lib qolmoqda.
Shu bilan birga, Microsoft eng xavfsiz deb topilgan 40 ta kasbni ham taqdim etdi. Ularning orasida hamshiralar, shina o‘rnatuvchilar, quruvchilar va jarrohlar kabi inson omili muhim bo‘lgan yo‘nalishlar bor. Demak, kelajakda AI texnologiyasi rivojlansa-da, inson mehnati talab etiladigan sohalar o‘z ahamiyatini yo‘qotmaydi.
Siz qaysi sohada ishlaysiz? Aytishingizcha, kasbingiz sun’iy intellekt ta’sirida o‘zgaradimi?
