Kiev viloyatida majburiy mehnatga jalb qilingan 13 nafar o‘zbekistonlik fuqarolar qutqarildi, deb xabar berdi uz24.uz. Tashqi ishlar vazirligi ularning holati nazoratga olinganini va Vatanga qaytarish ishlari boshlanganini ma’lum qildi.
Tergovga ko‘ra, bu noqonuniy sxema 51 yoshli xitoylik shaxs tomonidan tashkil etilgan. Gumonlanuvchilar orasida yana ikki xitoylik, bir tailandlik ayol va besh ukrainalik bor. Fuqarolarning pasportlari tortib olinib, ular noqonuniy ushlab turilgani qayd etilgan.
O‘zbekistonliklar kasalxonaga joylashtirilib, zarur tibbiy yordam berildi. Elchixona Ukraina TIV va Bosh prokuraturasiga notalar yuborgan, konsullik va huquqiy yordam ko‘rsatmoqda. Shu bilan birga, elchixona hozirda xavfsizlik nuqtai nazaridan fuqarolarga Ukrainaga safarlarni rejalashtirmaslikni tavsiya etgan.
“Zamin”ni Telegramʻda oʻqing!
