Namanganda noqonuniy kripto savdosi fosh etildi

Namanganda qiymati 2,2 milliard so‘mga teng kripto-aktivlarni noqonuniy ayirboshlagan ikki shaxs qo‘lga olindi, deb xabar berdi viloyat IIB.

Ma’lumotlarga ko‘ra, Kosonsoy tumanida yashovchi 24 yoshli fuqaro litsenziyasiz Binance platformasida savdo qilgan. U joriy yil martdan may oyigacha 542 million so‘mlik 35 ta bitim amalga oshirgan. Daliliy ashyolar sifatida iPhone 11 olindi.

Shuningdek, Norin tumanida yashovchi 37 yoshli shaxs maydan noyabrgacha umumiy qiymati 1,7 milliard so‘m bo‘lgan 35 ta noqonuniy operatsiya o‘tkazgani uchun qo‘lga olindi. Ularning ishi bo‘yicha Jinoyat kodeksining 278-8-moddasiga asosan jinoyat ishi qo‘zg‘atildi.