Toshkent viloyati Bo‘stonliq tumanida tezkor va qo‘shma tadbir davomida O‘zbekistondan noqonuniy yo‘l bilan 8 bosh tirik lochin olib chiqishga urinish holati aniqlandi. Bu haqda viloyat bojxona boshqarmasi xabar berdi.
Ma’lum qilishlaricha, bojxona kontrabandaga qarshi kurashish bo‘limi xodimlari Davlat xavfsizlik xizmati va Chegara qo‘shinlari harbiylari bilan hamkorlikda olib borilgan tadbirda, avvaldan kuzatuv ostida bo‘lgan shaxs “Oqtosh” qo‘riqlov punktida davlat chegarasini noqonuniy kesib o‘tishga uringan vaqtda to‘xtatib qolindi.
Shaxsning sumkasini belgilangan tartibda va xolislar ishtirokida ko‘zdan kechirganda, 8 bosh tirik lochin aniqlandi va hujjatlashtirildi. Qushlarni yashirin ravishda olib o‘tishga uringan shaxs ularga nisbatan shafqatsiz munosabatda bo‘lgani ma’lum bo‘ldi: ko‘z va oyoqlari bog‘lab qo‘yilgan, qanotlari skotchlangan va tor sumkaga sig‘dirilgan edi.
Mazkur lochinlar O‘zbekiston Qizil kitobiga kiritilgan bo‘lib, hozirda ular Toshkent hayvonot bog‘iga topshirildi. Hodisa yuzasidan bojxona organlari tomonidan tergov va surishtiruv ishlari olib borilmoqda.
Bu voqea noqonuniy hayvon savdosi va kontrabandaga qarshi kurashning ahamiyatini yana bir bor ko‘rsatib, tabiat va qadrli hujayralarni asrab-avaylash lozimligini ko‘rsatmoqda.
“Zamin”ni Telegramʻda oʻqing!
