Jizzax viloyati Zarbdor tumanida ota o‘z farzandi uchun alimentni oldindan to‘lab, xorijga chiqish huquqini tikladi. Bu haqda Moliya idoraviy byurosi axborot xizmati ma’lum qildi.
Ma’lum qilishlaricha, Fuqarolik ishlari bo‘yicha sudning ijro varaqasiga muvofiq qarzdor A.X.dan undiruvchi S.X. foydasiga voyaga yetmagan farzandi ta’minoti uchun aliment undirish belgilangan edi.
Ijro harakatlari boshlangach, qarzdorning O‘zbekistondan xorijga chiqish huquqi vaqtincha cheklangan. Keyinchalik A.X. davlat ijrochisiga murojaat qilib, kelgusida xorijga chiqish istagini bildirgan.
Zarbdor tumani bo‘limi xodimlari olib borgan huquqiy tushuntirishlar natijasida ota oldindan 125 mln so‘m alimentni to‘lab, chet elga chiqish uchun barqaror ruxsat oldi.
Bu holat ota va farzand huquqlari hamda ijro intizomi sohasida samarali amaliy choralar natijasini ko‘rsatdi. Fuqarolar uchun bunday tizim orqali aliment masalalarida muammolar tez va aniq hal qilinishi mumkinligi namoyon bo‘ldi.
“Zamin”ni Telegramʻda oʻqing!
