Bugun, 25 sentyabr kuni Toshkent shahar Sergeli tumanida Nexia-1 rusumli avtomashina yo‘l chetidagi avtobus bekatiga to‘qnashdi. Bu haqda poytaxt Yo‘l harakati xavfsizligi boshqarmasi xabar berdi.
Ma’lum qilishlaricha, soat taxminan 15:00 larda Sergeli tumani Yangi Sergeli ko‘chasida harakatlanayotgan 1999 yilda tug‘ilgan haydovchi Yu.M. Nexia-1 avtomobil rul boshqaruvini yo‘qotgan. Natijada mashina yo‘l chetidagi avtobus bekatiga kirib, yo‘l-transport hodisasi sodir bo‘lgan.
Hodisa oqibatida tan jarohati olganlar yo‘qligi ma’lum qilindi. Shuningdek, mazkur holat yuzasidan Toshkent shahar IIBB YHXB tomonidan tafsilotli surishtiruv ishlari olib borilmoqda.
Yo‘l-transport hodisasi Sergelining faol harakatchan mahalla yo‘llarida haydovchilarning ehtiyotkorligi va yo‘l harakati qoidalariga qat’iy rioya qilishning ahamiyatini yana bir bor ko‘rsatdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
