21 oktyabr kuni Toshkent shahrining Sergeli tumanida joylashgan ko‘p qavatli uyda yong‘in sodir bo‘ldi. Bu haqda poytaxt Favqulodda vaziyatlar boshqarmasi ma’lum qildi.
Ma’lumotlarga ko‘ra, soat 19:33 da Sergeli 4-dahadagi xonadonlardan birida yong‘in haqida xabar kelib tushgan. Qutqaruv guruhlari besh daqiqa ichida voqea joyiga yetib borgan va soat 19:56 da yong‘in to‘liq o‘chirilgan.
Dastlabki ma’lumotlarga ko‘ra, 15 kvadrat metr maydondagi uy jihozlari yongan. Olov qisqa fursatda nazoratga olingan va boshqa xonadonlarga tarqalmagan.
Favqulodda vaziyatlar boshqarmasi ma’lum qilishicha, yong‘in oqibatida hech kim jarohat olmagan. Hozirda yong‘in sabablari va keltirilgan moddiy zarar miqdori aniqlanmoqda.
Mutaxassislar aholini elektr jihozlaridan foydalanishda ehtiyotkor bo‘lishga, xonadonlarda yong‘inga qarshi talablarga qat’iy rioya etishga chaqirmoqda.
“Zamin”ni Telegramʻda oʻqing!
