Toshkent viloyatining Parkent tumanida ro‘y bergan yo‘l-transport hodisasi ijtimoiy tarmoqlarda keng muhokama qilindi. Hodisada 9 yoshli bola jarohat olgani haqida viloyat Yo‘l harakati xavfsizligi boshqarmasi rasmiy ma’lumot berdi.
Ma’lumotlarga ko‘ra, voqea 18 oktyabr kuni soat 11:00 atrofida D-015 (“Qiziltog‘ – Parkent – Yangi bozor”) yo‘lining 57-chaqirig‘ida sodir bo‘lgan. 39 yoshli haydovchi X.D boshqaruvidagi Cobalt avtomashinasi piyodalar o‘tish joyidan yugurib o‘tayotgan 2016 yilda tug‘ilgan bolani urib yuborgan.
Natijada bola tan jarohati olgan va tuman markaziy shifoxonasiga yetkazilgan. Hozirda uning ahvoli barqaror, shifokorlar kuzatuvida davolanmoqda.
YHXB ma’lumotiga ko‘ra, ijtimoiy tarmoqlarda tarqalgan “bola halok bo‘ldi” degan xabarlar haqiqatga to‘g‘ri kelmaydi.
Shuningdek, hodisada Damas avtomobili haydovchisi ham qatnashgani qayd etilgan. Voqea bo‘yicha Parkent tumani ichki ishlar bo‘limi tomonidan tergovga qadar tekshiruv ishlari olib borilmoqda.
Huquq-tartibot idoralari fuqarolardan rasmiy manbalar orqali aniqlangan ma’lumotlarga ishonishni so‘ramoqda.
“Zamin”ni Telegramʻda oʻqing!
