Bugun, 25 oktyabr kuni Toshkent shahrining Chilonzor tumanida joylashgan kiyim do‘konida yong‘in sodir bo‘ldi, deb xabar berdi shahar Favqulodda vaziyatlar boshqarmasi.
Ma’lumotlarga ko‘ra, soat 15:24 da Qizil Sharq mahallasidan yong‘in haqida xabar kelib tushgan. Qutqaruv otryadlari soat 15:26 da voqea joyiga yetib borgan va yong‘inni 15:37 da to‘liq bartaraf etgan.
Yong‘in 9 qavatli binoning birinchi qavatida joylashgan kiyim do‘konida yuz bergan bo‘lib, 10 kvadrat metr maydon zararlangan.
Favqulodda vaziyatlar boshqarmasi ma’lumotiga ko‘ra, hodisa natijasida hech kim tan jarohati olmagan. Hozirda yong‘inning kelib chiqish sabablari o‘rganilmoqda.
Mutaxassislar ta’kidlashicha, tezkor harakatlar sabab yong‘in qisqa vaqt ichida nazoratga olingan va katta yo‘qotishlarga yo‘l qo‘yilmagan.
“Zamin”ni Telegramʻda oʻqing!
