Buxoroda yo‘l-patrul xizmati inspektori bilan haydovchi o‘rtasidagi noxush vaziyat keng muhokamaga aylandi. Ma’lum bo‘lishicha, Romitan tumanida xizmat olib borayotgan kichik serjant Sayfiyev Equinox boshqarayotgan haydovchidan yo‘l berishni talab qilib, mashinaning chiroqlarini bir necha bor o‘chirib-yoqqan.
Biroq voqea shu bilan cheklanmagan. Inspektor haydovchining old tomoniga o‘tib, unga asossiz ravishda “avariya sodir etdingiz” degan ayblovni qo‘ygan va hech qanday kamerasiz uni yo‘l chetiga chiqishga majburlagan. Bu harakatlar haydovchida haqli savollar uyg‘otdi va internetda jiddiy muhokamani keltirib chiqardi.
Viloyat YHXX rahbariyati bu holatdan xabardor bo‘lgani aytilmoqda. Rasmiy ma’lumotga ko‘ra, kichik serjant Sayfiyevga nisbatan xizmat tekshiruvi tayinlangan. Tekshiruv yakuniga ko‘ra, inspektorning harakatiga qonuniy baho berilishi bildirilgan.
O‘quvchilar o‘rtasida “inspektor nega bodi-kamerasiz harakat qilgan?”, “ayblov qayerdan paydo bo‘ldi?” kabi savollar ko‘paymoqda. Yaqin kunlarda vaziyat yuzasidan rasmiy xulosa e’lon qilinishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
