Jizzaxda sodir bo‘lgan navbatdagi fojiaviy YTH jamoatchilikni tashvishga soldi. 23 noyabr kuni ertalab, soat 08:10 larda Amir Temur MFYdan o‘tuvchi “Jizzax–G‘allaorol” trassasida qayg‘uli hodisa ro‘y berdi.
IIBB YHXB ma’lumotiga ko‘ra, 1998 yilda tug‘ilgan Matiz haydovchisi oldindagi avtomobilni quvib o‘tmoqchi bo‘lib, qarshi yo‘lakka chiqqan va shu paytda to‘g‘ridan-to‘g‘ri harakatlanib kelayotgan ZIL-130 yuk mashinasi bilan qattiq to‘qnashgan.
Zarba oqibati og‘ir bo‘ldi: Matiz haydovchisi va salondagi ikki yo‘lovchi hodisa joyida halok bo‘ldi. Qutqaruv va tibbiy xizmatlar jamoasi fojeadan so‘ng tezkor ravishda yetgan bo‘lsa-da, ularning hayotini saqlab qolish imkoni bo‘lmagan.
Mazkur holat yuzasidan Jizzax shahar IIB Tergov bo‘limi Jinoyat kodeksining 266-moddasi 3-qismi “a” bandi bo‘yicha jinoyat ishi qo‘zg‘atdi. Tergov harakatlari olib borilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
