Farg‘onada yirik qiymatga ega noqonuniy zargarlik aylanmasiga chek qo‘yildi. Bojxonaning ma’lum qilishicha, Oltiariq tumanida nazoratga olingan “Vodil–Oltiariq” yo‘nalishi bo‘ylab harakatlanayotgan Damas to‘xtatilib, qonunbuzarlik aniqlangan.
Tekshiruv paytida salonning deyarli har bir qismiga joylangan uchta o‘ram topildi. Hujjatsiz holda olib kirilgan ushbu to‘plamlar yo‘lovchi sifatida ketgan shaxsga tegishli bo‘lgan.
O‘rganishlar shuni ko‘rsatdiki, bu — og‘irligi 1 kg 332 gramm keladigan, 5 xil turdagi 127 dona zargarlik buyumi bo‘lib, dastlabki baholashga ko‘ra umumiy qiymati 1 mlrd 440 mln so‘mni tashkil etadi.
Bundagi har bir halqa, ziryak va taqinchoq hech qanday rasmiylashtiruvsiz mamlakatga olib kirilgan. Holat yuzasidan hozirda tergovga qadar tekshiruv ishlari olib borilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
