Toshkentning Olmazor tumanidagi xususiy klinikada burun amaliyotiga kelgan 31 yoshli erkakning o‘limi bo‘yicha jinoyat ishi qo‘zg‘atildi. Bosh prokuratura ma’lumotiga ko‘ra, 12 noyabr kuni 1994 yilda tug‘ilgan bemor H.D.ga burun sohasiga oid bir necha kasallik tashxis qilingan va unga jarrohlik amaliyoti belgilab berilgan.
Ma’lum qilinishicha, operatsiya vaqtida soat 12:20 larda bemorning pulsi to‘satdan yo‘qolgan va yurak faoliyati to‘xtashi oqibatida u vafot etgan. Dastlabki sud-tibbiy ekspertiza hujjatlariga ko‘ra, marhum o‘limiga o‘tkir koronar o‘lim va anafilaktik shok sabab bo‘lgan.
Bu holatdan so‘ng marhum o‘limi sabablarini aniqlash uchun rasmiy tibbiy ekspertiza tayinlandi. 29 noyabr kuni klinika shifokorlariga nisbatan Jinoyat kodeksining 116-moddasi 4-qismi “a” bandi bilan jinoyat ishi ochildi. Tergov jarayoni davom etayotgani aytilmoqda.
Shuningdek, alohida topshiriq asosida xususiy klinika faoliyati 6 dekabrdan boshlab rasman to‘xtatilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
