Toshkent shahrining Yunusobod tumanida uchta transport vositasi ishtirokida yo‘l-transport hodisasi sodir bo‘ldi. Hodisa 6 yanvar kuni kunduzgi soatlarda poytaxt aholisi gavjum bo‘lgan ko‘chalardan birida qayd etildi.
Ma’lum qilinishicha, soat 13:45 atrofida Amir Temur ko‘chasida ZIL, Voyah va Nexia-3 rusumli avtomashinalar o‘zaro to‘qnashgan. Dastlabki ma’lumotlarga ko‘ra, to‘qnashuv kuchli bo‘lmagan va hodisa oqibatida hech kim tan jarohati olmagan.
Yo‘l-transport hodisasi sabablari va aniq holatlari hozirda Toshkent shahar IIBB YHXB mas’ul xodimlari tomonidan o‘rganilmoqda. Rasmiylar barcha holatlar qonun doirasida baholanishini ma’lum qildi.
Ayni paytda avtomashinalarga yetkazilgan moddiy zarar miqdori aniqlanmoqda. Hodisa joyida harakat xavfsizligi ta’minlanib, transport oqimi qisqa vaqt ichida tiklangan.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
