Jizzax viloyatida elektr tarmog‘i bilan bog‘liq qoidabuzarlikni “yumshatib qo‘yish”ga urinish qimmatga tushdi. Bosh prokuratura huzuridagi Departamentning Jizzax viloyati boshqarmasi xodimlari tezkor tadbir o‘tkazib, «Energosavdo» filiali Jizzax shahar bo‘limida ishlovchi E.M.ni pul olayotgan paytida ashyoviy dalillar bilan ushlagan.
Ma’lum qilinishicha, S.M.ga tegishli oilaviy korxonaning ishlab chiqarish sexida elektr tarmog‘iga noqonuniy ulanish holati aniqlangan. Ammo mazkur qoidabuzarlik yuzasidan dalolatnoma rasmiylashtirmaslik, ya’ni hujjatni “chiqarmay qo‘yish” evaziga korxona rahbaridan 10 million so‘m talab qilingan va pul olinayotgan vaqtda xodim qo‘lga tushgan.
Holat yuzasidan Jinoyat kodeksining 168-moddasi — firibgarlik bilan jinoyat ishi qo‘zg‘atilib, hozirda tergov harakatlari davom ettirilmoqda.
Qisqasi, elektrni noqonuniy ulash ham muammo, uni “pul evaziga yopish” esa ikki karra muammo. Endi bu ishga nuqtani tergov qo‘yadi — kim aybdor, kim haq, barchasi rasmiy tartibda aniqlanadi.
“Zamin”ni Telegramʻda oʻqing!
