Qorako‘l tumanidagi zovurda sodir bo‘lgan yong‘in holati tuman ekologiya inspektorlari tomonidan o‘rganib chiqildi. Tekshiruv yakunlariga ko‘ra, Qorako‘l tuman Xo‘jakon MFY hududida haqiqatdan ham yong‘in bo‘lgani tasdiqlandi.
Ma’lumotlarga ko‘ra, yong‘in natijasida 37 tup yulg‘un o‘simligi zarar ko‘rgan. Hodisa joyida atrof-muhitga yetkazilgan ziyon ham qayd etilib, tegishli tartibda hisobga olingan.
Shu bilan birga, noma’lum shaxs o‘simliklar bilan birga bir fuqaroga tegishli eshakka nisbatan ham o‘ta shafqatsizlik qilgan. Jonzot tiriklay yoqib yuborilgani, og‘ir kuyish oqibatida ahvoli og‘irlashgani bildirildi.
Holat yuzasidan zarur hujjatlar rasmiylashtirilib, yong‘inni kim uyushtirganini aniqlash uchun materiallar Qorako‘l tuman IIBga taqdim etildi. Ayni paytda voqea bo‘yicha tekshiruv hamda qidiruv ishlari davom etmoqda.
“Zamin”ni Telegramʻda oʻqing!
