Toshkent shahrida salkam 50 ming AQSH dollarini sotishga uringan shaxs ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.
Ma’lum qilinishicha, Departamentning Yangihayot tumani bo‘limi xodimlari hamda boshqa huquqni muhofaza qiluvchi organlar bilan hamkorlikda tezkor tadbir o‘tkazilgan.
Tadbir davomida fuqaro A.I. fuqaro Sh.B.ga 48 600 AQSH dollarini 600 mln so‘mga sotish vaqtida qo‘lga olingan. Shuningdek, 49 900 AQSH dollari ashyoviy dalil sifatida olib qo‘yilgan.
Mazkur holat bo‘yicha Jinoyat kodeksining 177 moddasi asosida jinoyat ishi qo‘zg‘atilgan. Hozirda tergov harakatlari olib borilmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
