Andijon viloyatining Baliqchi tumanida 9 yoshli bola yo‘l-transport hodisasi oqibatida hayotdan ko‘z yumdi. Bu haqda viloyat Yo‘l harakati xavfsizligi boshqarmasi ma’lum qildi.
Ma’lumotlarga ko‘ra, 24 fevral kuni soat 15:56 larda “Eski Markaz” MFY hududidan o‘tgan D 105 avtomobil yo‘lining “Farg‘ona halqa yo‘li” 103 kilometrida ZIL-130 rusumli yuk mashinasi ishtirokida hodisa sodir bo‘lgan.
2002 yilda tug‘ilgan haydovchi A.J. boshqaruvidagi yuk transporti tartibga solingan chorrahadagi piyodalar o‘tish joyidan keskin yugurib chiqqan 2017 yilda tug‘ilgan H.M.ni urib yuborgan. Nazoratni yo‘qotgan haydovchi chorrahada to‘xtab turgan Cobalt avtomobiliga ham to‘qnashgan.
Og‘ir tan jarohati olgan voyaga yetmagan piyoda shifoxonaga olib borilgan. Biroq shifokorlar tomonidan ko‘rsatilgan tibbiy yordamga qaramasdan, bola vafot etgan.
Holat yuzasidan Jinoyat kodeksining 266 moddasi 2 qismi bilan jinoyat ishi qo‘zg‘atilgan. Ayni paytda tergov harakatlari olib borilmoqda.
“Zamin”ni Telegramʻda oʻqing!
