Nexia quvib o‘taman deb yuk mashinasiga urilib ketdi, 4 kishi vafot etdi
Navoiy viloyati Konimex tumanida Nexia qarama-qarshi yo‘nalishda kelayotgan yuk mashinasi bilan to‘qnashib, 4 kishi halok bo‘ldi. Hodisa 22 fevral kuni “Navoiy–Zarafshon–Uchquduq” avtomobil yo‘lida sodir bo‘lgan. Nexia haydovchisi oldidagi avtomashinani quvib o‘tishga uringan, biroq manyovrni yakunlay olmay, yuk mashinasiga urilgan; avtomobil tezligi belgilangan me’yordan yuqori bo‘lgan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Navoiy viloyatining Konimex tumanida og‘ir yo‘l-transport hodisasi sodir bo‘lib, oqibatda 4 kishi hayotdan ko‘z yumdi. Hodisa “Navoiy–Zarafshon–Uchquduq” avtomobil yo‘lida ro‘y bergani haqida “Millar” dasturida xabar qilindi.
Ma’lumotlarga ko‘ra, fojiа 22 fevral kuni Konimex hududida sodir bo‘lgan. Nexia haydovchisi o‘zi bilan bir yo‘nalishda harakatlanayotgan avtomashinani quvib o‘tishga harakat qilgan. Biroq manyovrni yakunlashga ulgurmay, qarshi tomondan kelayotgan yuk avtomobili bilan to‘qnashuv yuz bergan.
Qayd etilishicha, Nexia tezligi belgilangan me’yordan yuqori bo‘lgan. Oqibatda ikki nafar yo‘lovchi voqea joyida halok bo‘lgan, yana ikki kishi shifoxonaga olib borilganiga qaramay, shifokorlar ularning hayotini saqlab qololmagan.
Ayni paytda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
Izohlar 0
…