Qashqadaryo viloyatining Ko‘kdala tumaniga Andijondan kelin bo‘lib tushgan Nasibaxon Ibrohimova noodatiy kelinlik sepi bilan e’tibor qozondi. U odatdagidek faqat ro‘zg‘or buyumlari emas, balki 800 ta ilmiy va badiiy kitobni ham o‘zi bilan olib keldi.
Bu holat yosh kelinning kitobga, ma’naviyatga va ilmga bo‘lgan alohida hurmatini ko‘rsatdi. Uning bu qadami yangi xonadonda mutolaa madaniyatini yanada kuchaytirishga xizmat qilayotgani ta’kidlanmoqda.
Hozirda yosh oilaning uyidagi kitoblar soni 1500 tadan oshgan. Bu esa ushbu xonadonda kitobxonlikka bo‘lgan qiziqish tobora ortib borayotganini anglatadi.
Mahalliy blogerlar fikricha, gadjetlar va moddiy ehtiyojlar ustuvor bo‘lib borayotgan bugungi davrda bunday qarashdagi yoshlarni uchratish oson emas. Shu bois kitobsevar kelinning bu tashabbusi ko‘pchilikka ibrat bo‘ladigan chiroyli holat sifatida baholanmoqda.
“Zamin”ni Telegramʻda oʻqing!
