O'zbekiston tashqi ishlar vaziri Baxtiyor Saidov Istanbul shahrida Turkiya prezidenti Rajab Toyyib Erdog'an bilan uchrashuv o'tkazdi. Mazkur muloqot chog'ida O'zbekiston rahbari Shavkat Mirziyoyevning samimiy salomlari va ezgu tilaklari Turkiya yetakchisiga yetkazildi. Tomonlar ikki davlat o'rtasidagi birodarlik rishtalari barcha sohalardagi hamkorlik uchun mustahkam poydevor bo'lib xizmat qilayotganini alohida ta'kidlashdi.
Tashrif doirasida Baxtiyor Saidov Turkiya tashqi ishlar vaziri Hakan Fidan hamda Ozarbayjon tashqi ishlar vaziri Jeyhun Bayramov bilan ham alohida muzokaralar olib bordi. Uchrashuvlarda Yaqin Sharqdagi murakkab vaziyat va uning mintaqaviy xavfsizlikka ta'siri yuzasidan atroflicha fikr almashildi.
Shuningdek, O'zbekiston tashqi ishlar vaziri Turkiy davlatlar tashkiloti Tashqi ishlar vazirlari kengashining yig'ilishida ishtirok etdi. Tadbirda mintaqaviy va global xavfsizlikka qarshi turish, turkiy davlatlar o'rtasidagi birdamlikni kuchaytirish masalalari kun tartibidan o'rin oldi. O'zbekiston tomoni tashkilot doirasidagi amaliy hamkorlikni chuqurlashtirish, barqarorlikni ta'minlash va o'zaro bog'liqlikni rivojlantirishga qaratilgan barcha tashabbuslarni qo'llab-quvvatlashini yana bir bor tasdiqladi.
“Zamin”ni Telegramʻda oʻqing!
