Toshkent viloyatida 13 sonli jazoni ijro etish koloniyasi Tarbiyaviy ishlar bo‘limi katta inspektori ijtimoiy xodimi mahkumlardan birining yaqin qarindoshlariga xatlarni yetkazish va jazo muddatini o‘tash davomida yaxshi sharoit yaratib berish evaziga ikki dona iPhone 17 talab qilgani uchun qo‘lga olindi. Bu haqda Ichki ishlar vazirligi matbuot xizmati xabar berdi.
Mahkum holat yuzasidan Shaxsiy xavfsizlik bosh boshqarmasiga ariza bergan. Keyinchalik, xodim kafeda mahkumning akasi bilan uchrashib, iPhone o‘rniga 3,5 ming dollar berilishi mumkinligini aytgan. Pul xodimning sinfdoshi tomonidan olish rejalashtirilgan. Tezkor tadbir davomida sinfdosh talab qilingan pullarni olgan vaqtida qo‘lga olingan.
Shuningdek, katta inspektorning mashinasi salonidan mahkum tomonidan yozilgan xatlar topilgan. Hozirda holat bo‘yicha Jinoyat kodeksining 168 moddasi (firibgarlik) 3 qismi va 211 modda (pora berish) 1 qismi bilan jinoyat ishi qo‘zg‘atilgan va tergov harakatlari davom etmoqda.
“Zamin”ni Telegramʻda oʻqing!
