Toshkent viloyati, Toshkent tumanida istiqomat qiluvchi Odiljon va Sevara Abdullayevalar oilasida eng muhtasham hodisa sodir bo‘ldi: ular bir vaqtda to‘rt egizak dunyoga keltirishdi. Bu oila avvaldan 2 yoshli qizaloq tarbiyalayotgan edi va endilikda ularning oilasi jami 5 nafar farzand bilan to‘ldi.
SSV matbuot xizmati xabar berishicha, chaqaloqlar Respublika perinatal markazida muddatidan oldin kesarcha amaliyoti orqali tug‘ildi.
Chaqaloqlar haqidagi maʼlumotlar quyidagicha:
- Birinchisi — o‘g‘il bola, vazni 1412 gramm, bo‘yi 37 sm;
- Ikkinchisi — qizaloq, vazni 1624 gramm, bo‘yi 37 sm;
- Uchinchisi — qizaloq, vazni 1466 gramm, bo‘yi 37 sm;
- To‘rtinchisi — o‘g‘il bola, vazni 1780 gramm, bo‘yi 38 sm.
Ayni paytda barcha chaqaloqlar tibbiy muassasada xalqaro tibbiy protokollar asosida parvarishlanmoqda, ularning sog‘ligi va rivojlanishi doimiy nazoratda turibdi.
Bu voqea nafaqat oila uchun, balki Toshkent viloyati aholisi uchun ham haqiqiy quvonch va muborak yangilik bo‘lib xizmat qilmoqda.
“Zamin”ni Telegramʻda oʻqing!
