Foto: Uznews
“Hududgaztaʼminot” xodimlari huquqni muhofaza qiluvchi idoralar bilan hamkorlikda Jomboy tumanida tabiiy gazni talon-toroj qilgan AGNKSni aniqladi.
Maʼlum bo‘lishicha, ushbu gaz stansiyasida loyiha-texnik hujjatlarda ko‘zda tutilmagan qo‘shimcha kompressor o‘zboshimchalik bilan o‘rnatilgan. Shuningdek, hisoblagichning ruxsat etilgan o‘lchov meʼyorlaridan ortiqcha gaz isteʼmoli aniqlanib, bu holat noqonuniy hisoblanadi.
Dastlabki tahlil va hisob-kitoblarga ko‘ra, ushbu harakatlar natijasida yetkazilgan moddiy zarar taxminan 6 mlrd 480 mln so‘mni tashkil etgan.
Hodisa bo‘yicha to‘plangan barcha materiallar va hujjatlar huquqni muhofaza qiluvchi organlarga rasman yuborilgan. Bu holat mahalliy aholi va davlat manfaatlarini himoya qilishning qanchalik muhimligini yana bir bor ko‘rsatdi.
“Zamin”ni Telegramʻda oʻqing!
