Majburiy ijro byurosining Uchtepa tuman bo‘limi ish yurituvida Toshkent shahar soliq boshqarmasining 16 ta qaroriga asosan, “SIPB” MCHJdan 720 mln so‘m miqdorida soliq qarzdorligini undirish bo‘yicha ijro ishlari olib borilmoqda.
Qarzdor tashkilotga qonunchilikda belgilangan tartibda bir necha bor ogohlantirish va talabnomalar yuborildi, shuningdek, bank hisobvaraqlaridan undirish choralari ham ko‘rildi. Ammo shunga qaramasdan, qarzdorlik ixtiyoriy ravishda bartaraf etilmadi.
Shu sabab, majburiy ijro harakatlari doirasida qarzdorga tegishli bo‘lgan noturar bino — tijorat obyekti aniqlanib, davlat byudjetiga yetkazilgan zararni qoplash maqsadida xatlovga olindi. Hozirda ushbu obyektni “E-auksion” elektron savdo platformasi orqali ochiq auksionga chiqarish ishlari olib borilmoqda.
Soliq to‘lovlari har bir tadbirkor va tashkilotning qonuniy majburiyati hisoblanadi. Ularni o‘z vaqtida to‘lamaslik qarzdorlikning ortishiga, bank hisobvaraqlarining bloklanishiga, mol-mulkka taqiq qo‘yilishiga va hatto uni majburiy tartibda sotilishiga olib keladi.
Shuni unutmaslik kerakki, soliq qarzini eʼtiborsiz qoldirish oxir-oqibat mulkdan ajralib qolish va yana-da katta moliyaviy yo‘qotishlarga sabab bo‘ladi.
“Zamin”ni Telegramʻda oʻqing!
