Bosh prokuratura huzuridagi Departamentning Qarshi shahar bo‘limi hamda boshqa huquqni muhofaza qiluvchi organlar hamkorligida o‘tkazilgan tezkor tadbir davomida qonun talablariga zid ravishda dori vositalari savdosi bilan shug‘ullanib kelgan fuqaro Z.Q. qo‘lga olindi.
Tekshiruv va kuzatuv ishlari davomida u 29 dona kapsula hamda 60 dona “Gabaten” nomli kuchli taʼsir qiluvchi dori vositalarini fuqaroga 500 AQSH dollari evaziga sotgan vaqtida ashyoviy dalillar bilan ushlangani maʼlum bo‘ldi.
Shu kabi navbatdagi holat Departamentning Ulug‘nor tuman bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda aniqlandi. Unda fuqaro J.A. fuqaro M.X.ga xorijda ishlab chiqarilgan 4 dona “Regapen” hamda 1 dona “Tropikamid” nomli kuchli taʼsir qiluvchi dori vositalarini 670 ming so‘mga sotgan vaqtida qo‘lga olindi.
Ushbu dori vositalari ham ashyoviy dalil sifatida olib qo‘yildi.
Hozirda mazkur holatlar yuzasidan Jinoyat kodeksining tegishli moddalariga muvofiq jinoyat ishlari qo‘zg‘atilib, tergov harakatlari olib borilmoqda. Tegishli idoralar tomonidan qonunga xilof dori aylanmasiga qarshi kurash qatʼiy davom ettirilmoqda.
“Zamin”ni Telegramʻda oʻqing!
