Farzandiga uy olish uchun 150 mln. so‘m alimentni oldindan to‘ladi
Mana yangilikning qisqa xulosasi: Yangiobod tumanida qarzdor N.N. ikki farzandi ta'minoti uchun 150 million so'm aliimentni oldindan to'ladi. Ushbu mablag'lar Toshkent shahrida farzandiga ko'p qavatli uy sotib olish uchun boshlang'ich to'lov sifatida ishlatiladi. Tomonlar o'zaro kelishuvga erishib, farzandlarining kelajagi va taqdirini birinchi o'ringa qo'yganliklari ma'lum qilindi.
Fuqarolik ishlari bo‘yicha sud qaroriga asosan, qarzdor N.N.dan undiruvchi N.D. foydasiga voyaga yetmagan ikki nafar farzandining taʼminoti uchun har oylik ish haqi va boshqa daromadlaridan aliment undirish belgilangan.
Byuroning Yangiobod tumani bo‘limi xodimining ijro harakatlari davomida tomonlar o‘zaro kelishuvga erishib, qarzdor tomonidan 150 million so‘m naqd pul mablag‘i oldindan undiruvchiga to‘lab berildi.
Qarzdor ushbu mablag‘ni farzandi uchun ko‘p qavatli uy xarid qilish maqsadida to‘laganini bildirgan. Undiruvchi ham bu mablag‘ni Toshkent shahridan farzandi uchun uy olishda boshlang‘ich to‘lov sifatida ishlatishini maʼlum qildi.
Eʼtiborlisi, har ikki tomon ham o‘zaro kelishmovchiliklarni farzand taqdiriga taʼsir etmasligini istab, uning kelajagi uchun masʼuliyat bilan yondashmoqda.
Izohlar 0
…