Ota chetga chiqish uchun 5 yillik alimentni oldindan to‘ladi
G‘ijduvon tumanida chet elga chiqish huquqi cheklangan qarzdor ota voyaga yetmagan 1 nafar farzandi uchun 5 yillik aliment miqdorini oldindan to‘ladi. Majburiy ijro byurosining G‘ijduvon tuman bo‘limi ish yurituvidagi ijro harakatlari davomida jami 138.540,0 ming so‘m aliment pullari to‘liq undirildi. Shundan so‘ng fuqaroga nisbatan chetga chiqish uchun qo‘yilgan vaqtincha cheklov bekor qilindi. Hozirda mazkur ish bo‘yicha ijro harakatlari davom etmoqda.
Majburiy ijro byurosining G‘ijduvon tuman bo‘limi ish yurituvidagi sud hujjatiga ko‘ra, qarzdor otadan undiruvchi ona foydasiga voyaga yetmagan 1 nafar farzandi moddiy ta’minoti uchun aliment undirish belgilangan.
Ijro harakatlari davomida qarzdorning chetga chiqish huquqlari vaqtincha cheklangan. Qarzdor chetga chiqmoqchiligini bildirib, amaliy yordam so‘ragan.
Qarzdorga ijro hujjatida taraflarning huquq va majburiyatlari hamda aliment to‘lovlarini oldindan to‘lash tartibi tushuntirilgan.
Qarzdor aliment to‘lovini oldindan to‘lash yo‘li bilan ijro etish usuli va tartibini o‘zgartirish haqida sudga da’vo arizasi kiritgan.
Sud tomonidan da’vo arizasi qanoatlantirilib, davlat ijrochisi tomonidan hisoblangan 5 yillik aliment pullarini oldindan undirish belgilangan.
Ijro harakatlari davomida oldindan undirilishi belgilangan 138.540,0 ming so‘m aliment pullari undirib, qarzdorning chetga chiqishiga qo‘yilgan cheklov bekor qilindi.
Hozirda ijro harakatlari davom etmoqda.
Izohlar 0
…