Oʻzbekistonda ijtimoiy tarmoqlarda tarqalgan ayrim reklama postlari yuzasidan Raqobat qoʻmitasi tomonidan oʻrganish va tekshirish ishlari amalga oshirildi.
Mutaxassislar Instagram platformasida faoliyat yurituvchi “aykous_sekret”, “dom_penyuar”, “shiray shop”, “nargizem_shop” hamda “arzon hostel” nomli sahifalarda joylashtirilgan reklama videolarini tahlil qilishdi.
Oʻrganish natijasida ushbu reklamalar mazmuni jamoatchilikda qabul qilingan odob-axloq va maʼnaviy qoidalarga mos kelmasligi maʼlum boʻlgan.
Tekshiruvlar yakunlangach, “aykous_sekret” va “dom_penyuar” doʻkonlari rahbarlari boʻyicha “Reklama toʻgʻrisida”gi qonun talablarini buzish holatlari yuzasidan rasman ish qoʻzgʻatilgan.
Shuningdek, “shiray shop”, “nargizem_shop” va “arzon hostel” sahifalari boʻyicha maʼmuriy hujjatlar tuzilib, ish materiallari sud organlariga yuborilgan.
Amaldagi qonunlarga muvofiq, reklamada milliy qadriyatlar hamda axloqiy meʼyorlarga zid boʻlgan tasvir va iboralardan foydalanish taqiqlanadi.
“Zamin”ni Telegramʻda oʻqing!
