Lolaqizgʻaldoqlarni payxon qilgan qoʻshiqchilarga millionlab jarimalar belgilandi
Lolaqizg‘aldoqlarga zarar yetkazgan qo‘shiqchilarga og‘ir jarimalar qo‘yildi. Ekopolitsiya ularni ikkita alohida holatda 54 million so‘m miqdorida jarimaga tortdi. Sabab ijtimoiy tarmoqlarda tarqalgan videolarida noqonuniy harakatlari aniqlandi. Barcha javobgar shaxslar ma’muriy ish qo‘zgatilgan holda jarimaga tortildi.
Ijtimoiy tarmoqlarda lolaqizgʻaldoqlarga zarar yetkazilgani aks etgan videolar tarqalganidan soʻng, holat jamoatchilik eʼtiboriga tushdi.
Mazkur voqealar Qashqadaryo viloyati Ekologiya va iqlim oʻzgarishi bosh boshqarmasi (Ekopolitsiya) inspektorlari tomonidan oʻrganib chiqildi.
Tekshiruv natijalariga koʻra, birinchi holatda tabiatga 6 million 592 ming soʻm miqdorida zarar yetkazilgani aniqlangan. Shu asosda ikki nafar shaxs — A.J. va G.B. ga nisbatan maʼmuriy bayonnoma rasmiylashtirilib, ularga jami 20 million 600 ming soʻm jarima belgilangan.
Ikkinchi holatda ham tabiatga 6 million 592 ming soʻm zarar yetkazilgani maʼlum boʻlgan. Bu boʻyicha M.R.ga nisbatan ham maʼmuriy ish qoʻzgʻatilib, 20 million 600 ming soʻm jarima tayinlangan.
Umumiy hisobda, har ikki holat boʻyicha javobgar shaxslar jami 54 million 384 ming soʻm toʻlashlari belgilangan.
Izohlar 0
…