Toshkent shahrida qizlarni Dubayga aldab joʻnatgan ayol ushlandi
Toshkentda qizlarni aldov yo‘li bilan Dubayga jinsiy ekspluatatsiya qilish uchun yubormoqchi bo‘lgan ayol huquq-tartibot idoralari tomonidan qo‘lga olindi. Gumonlanuvchi to‘rt nafar qizdan birini xorijga olib ketayotgan vaqtida Toshkent xalqaro aeroportida to‘xtatib qolingan. Mazkur holat yuzasidan Jinoyat kodeksining 135-moddasi bilan jinoyat ishi qo‘zg‘atilib, ayolga nisbatan qamoq ehtiyot chorasi qo‘llanilgan. Hozirda tergov harakatlari davom etmoqda va ushbu jinoyat uchun 10 yilgacha ozodlikdan mahrum qilish jazosi tayinlanishi mumkin.
Toshkent shahrida qizlarni xorijga noqonuniy ravishda joʻnatish bilan shugʻullangan ayol qoʻlga olindi.
Maʼlum qilinishicha, ushbu holat DXX va ichki ishlar organlari hamkorligida oʻtkazilgan tezkor tadbir davomida fosh etilgan.
Tekshiruvlarga koʻra, gumonlanuvchi jinoiy guruh vakili sifatida qizlarni aldov yoʻli bilan yollab, ularni xorijda jinsiy ekspluatatsiya qilish maqsadida yuborish bilan shugʻullangan.
U 4 nafar qizdan birini oʻzi bilan birga Dubai shahriga olib ketayotgan paytda Toshkent xalqaro aeroportida toʻxtatib qolingan.
Mazkur holat yuzasidan unga nisbatan Jinoyat kodeksining 135 moddasi bilan jinoyat ishi qoʻzgʻatilib, qamoq ehtiyot chorasi qoʻllanilgan.
Hozirda ish boʻyicha tergov harakatlari davom ettirilmoqda.
Qonunchilikka muvofiq, bunday jinoyatlar uchun 5 yildan 10 yilgacha ozodlikdan mahrum qilish jazosi belgilangan.
Izohlar 0
…