O'zbekistonda har 1000 ta nikohga 175 ta ajrim to'g'ri kelmoqda

O'zbekistonda nikohlar holati bo'yicha o'tkazilgan tahlillar natijasida mamlakatdagi oilaviy barqarorlik ko'rsatkichlari ma'lum qilindi. 2025 yil holatiga ko'ra, respublikada nikoh barqarorligi koeffitsiyenti 175,6 promilleni tashkil etmoqda.

Ushbu raqamlar mamlakatda qayd etilgan har 1000 ta nikohga o'rtacha 175 ta ajrim to'g'ri kelishini ko'rsatadi. Hududlar kesimida olingan ma'lumotlar oilaviy munosabatlarning barqarorligi turli viloyatlarda turlicha ekanini tasdiqladi.

Tahlillarga ko'ra, Qashqadaryo, Xorazm va Surxondaryo viloyatlarida nikoh barqarorligi boshqa hududlarga nisbatan yuqori darajada saqlanib qolmoqda. Bu viloyatlarda oilalarning mustahkamligi ijobiy ko'rsatkichlarni namoyon etgan.

Aksincha, Toshkent shahri, Sirdaryo va Toshkent viloyatlarida ajrimlar darajasi nisbatan yuqori ekani qayd etildi. Mazkur hududlarda oilaviy ajrimlar soni respublika bo'yicha o'rtacha ko'rsatkichlardan balandroq ekani kuzatilgan.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing