Ikki hududda Afgʻonistondan keltirilgan yirik opiy partiyasi fosh etildi
Buxoro va Surxondaryo viloyatlarida Afg'onistondan olib kelingan katta miqdordagi opiy partiyasi fosh etildi. Davlat xavfsizlik xizmati va bojxona idoralari tomonidan o'tkazilgan operatsiyada 993 grammdan ortiq opiy avtomobil motorining havo filtridan topildi. Ushbu operatsiya davomida narkotik moddani olib kelgan shaxs va uning sherigi qo'lga olindi, ularning uyidan jami 12 kilogramm opiy musodara qilindi.
Davlat xavfsizlik xizmati xodimlari tomonidan Buxoro va Surxondaryo viloyatlarida oʻtkazilgan tezkor tadbirda katta miqdordagi giyohvand moddalar aniqlandi.
Maʼlum qilinishicha, operatsiyada bojxona idoralari ham ishtirok etgan va noqonuniy aylanmaga kiritilgan opiy musodara qilingan. Buxoro shahrida yashovchi, muqaddam narkotik jinoyat uchun sudlangan shaxs boshqarayotgan “Lacetti” avtomobili Kogon tumanida toʻxtatilgan.
Tekshiruv jarayonida avtomobilning motor qismidagi havo filtri ostiga yashirilgan 993 gramm opiy topilib, dalil sifatida rasmiylashtirilgan. Surishtiruvlar davomida ushbu shaxs moddani Termiz tumanida yashovchi boshqa shaxsdan olgani maʼlum boʻlgan.
Keyingi tezkor tadbirda mazkur shaxs ham qoʻlga olingan. Uning yonidan 5 kilogramm va yashash manzilidan yana 7 kilogramm opiy giyohvandlik vositasi topilib, musodara qilingan.
Izohlar 0
…