Samarqand shahrida joylashgan yoqilg‘i quyish shoxobchalaridadan birida yong‘in yuz berdi. Ijtimoiy tarmoqlarda ushbu hodisaga oid videolar tez tarqalib, jamoatchilik e’tiborini tortdi.
Favqulodda vaziyatlar vazirligi ushbu holat yuzasidan rasmiy ma’lumot berdi. Ma’lum qilinishicha, yong‘in 5 may kuni soat 11:13 da Buyuk Ipak yo‘li ko‘chasida joylashgan shoxobchada sodir bo‘lgan.
Hodisa haqida xabar kelib tushgach, qutqaruv xizmatlari zudlik bilan voqea joyiga yo‘l olgan.
Soat 11:18 da yetib kelgan 5 ta qutqaruv bo‘linmasi yong‘inni qisqa vaqt ichida nazoratga olgan. Yong‘in soat 11:30 da o‘rab olingan va 11:50 ga kelib to‘liq bartaraf etilgan.
Rasmiy ma’lumotlarga ko‘ra, hodisa oqibatida jabrlanganlar aniqlanmagan. Hozirda yong‘in sabablari va yetkazilgan zarar miqdori o‘rganilmoqda.
“Zamin”ni Telegramʻda oʻqing!
