Erondan 41 nafar O‘zbekiston fuqarosi Turkmaniston orqali tranzit yo‘li bilan vatanga qaytarildi. Bu haqda “Dunyo” axborot agentligi ma’lum qildi.
Ma’lumotlarga ko‘ra, O‘zbekistonning Ashxobod va Tehrondagi diplomatik vakolatxonalari jarayonni muvofiqlashtirgan. Shuningdek, Turkmanistonning tegishli idoralari bilan hamkorlikda viza va transport masalalari tezkor hal qilingan.
Fuqarolar Saraxs–Seraxs hamda Gaudan–Bajgiran chegara punktlarida kutib olingan. Ular diplomatik xodimlar kuzatuvida xavfsiz tarzda mamlakatga yetkazilgani aytilmoqda.
Vakolatxonalar hech bir fuqaro yordamsiz qolmasligini ta’kidlagan. Shu bilan birga, vatandoshlarni qaytarish ishlari davom etayotgani bildirildi.
Eslatib o‘tish joiz, mart oyida ham Erondan qaytgan o‘zbekistonliklarga yordam ko‘rsatilgan edi.
“Zamin”ni Telegramʻda oʻqing!
