O‘zbekistonda joriy etilgan jarima ballari tizimi doirasida 12 balldan oshgan haydovchilar soni 49 nafarga yetdi. Ma’lum qilinishicha, ushbu haydovchilarga oid materiallar sudga yuborilgan.
Shu bilan birga, yana 132 nafar haydovchining jarima ballari 8 tadan oshgani qayd etilgan. Eslatib o‘tamiz, mamlakatda jarima ballari tizimi 2025-yil 1-iyundan boshlab amalga kiritilgan.
Unga ko‘ra, qizil chiroqda harakatlanish, qarshi yo‘nalishga chiqish, tezlikni oshirish hamda to‘xtash qoidalarini buzish kabi holatlar uchun haydovchilarga maxsus ballar yoziladi.
Qoidalarga muvofiq, haydovchi 8 ball to‘plaganda unga SMS orqali ogohlantirish yuboriladi. Agar jarima ballari 12 tadan oshib ketsa, haydovchilik huquqi sud qarori bilan bekor qilinishi mumkin.
Mutaxassislar haydovchilarni yo‘l harakati qoidalariga qat’iy rioya qilishga chaqirmoqda.
“Zamin”ni Telegramʻda oʻqing!
