O‘zbekistonda har 100 ta uyning nechtasida kompyuter bor?

Milliy statistika qo‘mitasi ma’lumotlariga ko‘ra, 2025 yilda O‘zbekistonda har 100 ta uy xo‘jaligiga o‘rtacha 76 ta shaxsiy kompyuter to‘g‘ri kelgan.

Tahlillarga ko‘ra, mamlakatda kompyuterlardan foydalanish darajasi yil sayin oshib bormoqda. 2010 yilda har 100 ta xonadonga atigi 12 ta kompyuter to‘g‘ri kelgan bo‘lsa, 2015 yilda bu ko‘rsatkich 47 taga yetgan.

2020 yilda esa uy xo‘jaliklaridagi kompyuterlar soni o‘rtacha 60 tani tashkil qilgan. Keyingi besh yilda o‘sish davom etib, 2025 yilda 76 tagacha ko‘tarilgan.

Bu raqamlar O‘zbekistonda raqamli texnologiyalardan foydalanish kengayib borayotganini ko‘rsatadi. Avvalroq har 100 ta uy xo‘jaligiga o‘rtacha 67 ta konditsioner to‘g‘ri kelgani ham ma’lum qilingan edi.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing