«Toshkent shahar suv ta’minoti» yangi hisoblagichlar bo‘yicha izoh berdi

1 daqiqa o'qish102
«Toshkent shahar suv ta’minoti» yangi hisoblagichlar bo‘yicha izoh berdi

Toshkentda sovuq suv uchun o‘rnatilayotgan yangi hisoblagichlar ishi bo‘yicha aholi murojaatlari ko‘paygach, «Toshkent shahar suv ta’minoti» korxonasi izoh berdi. Shaharliklarning asosiy e’tirozlari qurilmalar ma’lumotni avtomatik yubormasligi va ayrim holatlarda hisob-kitob summasi keskin oshishi bilan bog‘liq.

Korxona ma’lumotiga ko‘ra, hozirgi bosqichda hisoblagichlar ko‘rsatkichni billing tizimiga mustaqil ravishda uzatmaydi. Ma’lumotlar abonent bo‘limi xodimlari tomonidan oyiga bir marta Walk-by texnologiyasi orqali masofadan o‘qib olinadi. Bu usul xodim hudud bo‘ylab yurgan vaqtda hisoblagich ma’lumotini yaqin masofadan qabul qilish imkonini beradi.

Mazkur tizim Yangixayot va Sergeli tumanlarida joriy etilgan. Hozirda uni Yakkasaroy tumanida ham ishga tushirish jarayoni ketmoqda.

Katta miqdordagi hisob-kitoblar esa dastlabki haqiqiy ko‘rsatkich olinguniga qadar to‘lov o‘rtacha sutkalik iste’mol asosida hisoblanishi bilan izohlandi. Hisoblagich ma’lumoti o‘qilgandan keyin tizim avtomatik ravishda qayta hisob-kitob qiladi.

Korxona hisoblagichlar ortiqcha suv sarfini yozib qo‘ymasligini bildirdi. Agar iste’mol kutilmaganda oshsa, aholiga santexnika jihozlarini tekshirish tavsiya etilgan. Ayniqsa, unitaz bachoklaridagi yashirin oqishlar katta hisob-kitoblarning eng ko‘p uchraydigan sabablaridan biri sifatida ko‘rsatilgan.

Yangi hisoblagichlarni o‘rnatish bepulligicha qolmoqda. Qurilma montaj qilingan kunning o‘zida ma’lumotlar bazasiga kiritiladi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?