Qoʻshni qishloqda yashaydigan tanishi Botirning Amerikaga ishlagani ketayotganligini eshitib, Salimning oromi yoʻqoldi. U Botir bilan Samarqand shahrida uchrashib, undan oʻgʻlini Amerikaga yuborishda yordam soʻradi.
Botir Salimga oʻgʻlini Amerikaga yuborish uchun “GREEN CARD” yutugʻi chiqqan qiz topib berishini, oʻsha qizga farzandini uylantirsa, uning eri sifatida Amerikaga borishi mumkinligini aytdi, buning evaziga esa u Salimdan 7.000 AQSH dollari miqdorida pul soʻradi. Salim koʻndi.
Rejasi “silliq” ketayotganligidan xursand boʻlgan Botir tanishi Akromga qoʻngʻiroq qilib “GREEN CARD” yutugʻi chiqqan qizlarning manzilini soʻrab bilgan boʻldi. Bir necha kun oʻtgach esa Salim bilan birga Akrom aytgan joyga, Qashqadaryo viloyatining Shahrisabz tumanida yashovchi bir qiznikiga borishdi. U yerdan yutuq chiqqan qiz topilmagach, xunob boʻlib, navbatdagi Akrom aytgan manzilga, Samarqand viloyati Payariq tumanida yashaydigan Sevdora Toʻrayevanikiga borishdi. Botirning hiylalariga laqqa tushgan Salim shu qizga rostdan ham yutuq chiqqan yo chiqmaganligi bilan qiziqib koʻrishni uyat hisobladi. U oʻsha qizga oʻgʻlini uylantirdi qoʻydi. Aslida, hammasi ana shundan boshlandi...
Botir Sevdoraning nomiga ingliz tilida rasmiylashtirilgan hujjatlarni Salimning qoʻliga tutqazib, evaziga undan jami 1.850 AQSH dollari va 10.900.000 soʻm oldi-yu juftakni rostladi.
Salim esa yaxshi niyatlarda kelini va oʻgʻlini Amerikaga yuborish uchun Botir aytgan barcha hujjatlarni tayyorladi. Biroq negadir Botir endi Salimning tinimsiz qoʻngʻiroqlariga javob bermay, uyiga ham kelmay qoʻygandi. Bundan Salimning ichiga gʻulgʻula tushdi. U Samarqand shahriga borib, “GREEN CARD” oʻynatadigan ofis xodimlariga Botir bergan hujjatni koʻrsatdi. U yerdagi xodimlar hujjatning soxta ekanligini aytishganida esa Salimning boshidan bir chelak sovuq suv quyilgandek boʻldi. Dargʻazab boʻlgan Salim bu ishlarga aloqasi boʻlishi mukinligini taxmin qilib, kelinini siquvga oldi. Biroq hech narsadan xabari yoʻq, oʻgʻli bilan baxtli yashab kelayotgan kelinining aybsizligini bilgach, Salim Botir va uning sherigi Akromni firibgarlikda ayblab sudga berdi.
Sud Botir va Akrom oʻzlashtirgan pullarni oʻz egasiga qaytardi va aybdorlarga nisbatan tegishli jazo tayinladi.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
AQSHning G‘azodagi siyosatidan norozi Davlat departamenti rasmiysi iste’foga chiqdi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Lukashenko G‘arbga tahdid bilan chiqdi