Oʻzbekistonda tramadol va pregabalin (“lirika”) singari psixofaol dori vositalari savdosi uchun javobgarlikka tortish boshlanadi. Oliy Majlis Senati qonunchilikka kiritilayotgan jamoatchilik xavfsizligini taʼminlashga qaratilgan oʻzgartishlarni maʼqulladi, deb yozmoqda Gazeta.uz.
Parlament yuqori palatasi Qonunchilik va sud-huquq masalalari boʻyicha qoʻmitasida doimiy asosda faoliyat olib boruvchi senator Shuhrat Choʻlliyev IIV maʼlumotlariga tayanib, 2015 yildan 2018 yil iyuliga qadar sakkiz turdagi shu kabi sintetik kannabinoidlar aniqlanganini maʼlum qildi. Ular Oʻzbekistonda aylanishi taqiqlangan yoki cheklangan narkotik va psixotrop vositalar roʻyxatiga kiritilmagan.
Shuhrat Choʻlliyev jismoniy shaxslar dorixonalardan tashqarida dori vositalari savdosi bilan shugʻullanayotgani holatlari borligini qayd etib oʻtdi. Koʻchalardagi “farmatsevtik bozorlar“da roʻyxatga kiritilmagan, yaroqlilik muddati oʻtgan psixofaol dori vositalari sotilmoqda. «Isteʼmol qilinganda «eyforiya”ni keltirib chiqaruvchi preparatlar ham aniqlandi”, — dedi u.
Uning soʻzlariga koʻra, bunday vaziyat fuqarolar salomatligiga salbiy taʼsir koʻrsatadi. 2017 yilda 67ta shunday huquqbuzarlik aniqlangan boʻlsa, joriy yilning yetti oyi davomida 84taga yetdi.
Dori vositalari va farmatsevtik faoliyat toʻgʻrisidagi qonunning 13-moddasiga koʻra, dori vositalari faqatgina dorixona muassasalari va ularning filiallarida sotilishi mumkin. Biroq qonunchilikda mazkur moddani buzganlik uchun maʼmuriy yoki jinoiy javobgarlik belgilanmagan.
Huquqni muhofaza qilish organlaridan maʼlum qilinishicha, tramadol, pregabalik (“lirika”), zopiklon (“sonnat”) kabilar narkotik va psixofaol dori vositalari roʻyxatida boʻlgani sababli dori vositalari sotuvchilarini javobgarlikka tortish imkoniyati yoʻq edi.
“Avvallari koʻpi bilan ular militsiya xodimlarining qonuniy talablarini bajarmagani uchun javobgarlikka tortilar, aksariyat hollarda ular bilan profilaktik suhbatlar oʻtkazilgan. Endilikda ularga qarshi kurashda qonuniy dastak mavjud”, — degan Gazeta.uz suhbatdoshi.
U tramadol va pregabalin ushbu roʻyxatga kiritilishi aniq ekanini aytib oʻtgan.
Qonun bilan Jinoyat, Jinoyat-protsessual hamda Maʼmuriy javobgarlik toʻgʻrisidagi kodekslarga narkotik moddalar va prekursorlarning noqonuniy savdosi bilan bogʻliq jinoyatlar uchun javobgarlikka tortish toʻgʻrisidagi oʻzgartishlar kiritiladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Ramzan Qodirovning 19 yoshli qizi medal bilan taqdirlandi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Germaniyaning Knauf kompaniyasi Rossiyadan butunlay chiqib ketishini tasdiqladi
Akademik Qodir G‘ulomov Qo‘shrabotda bo‘ldi
Futzal. Osiyo Kubogi. Tojikiston Yaponiyani guruhda qoldirdi
Zohida Umarova nima sababdan o‘g‘li va kelini bilan birga yashamasligini aytdi
O‘zbekistonda o‘tgan uch oyda qancha avtomobil ishlab chiqarilgan?
