Bosh prokuror, Milliy gvardiya qo‘mondoni va Ichki ishlar vaziriga hududlar biriktirildi

Prezident qaroriga muvofiq, 2019 yil 1 yanvardan jamoatchilik xavfsizligini ta’minlash sohasida davlat organlari, tashkilotlar va jamoatchilik tuzilmalarining faoliyati tashkil etilishi va muvofiqlashtirilishini ta’minlash uchun hududlar quyidagicha biriktirildi:

- Bosh prokurorga – Qoraqalpog‘iston Respublikasi, Buxoro, Navoiy va Xorazm viloyatlari, shuningdek, Toshkent shahrining Chilonzor tumani;

- Milliy gvardiya qo‘mondoniga – Andijon, Namangan, Toshkent va Farg‘ona viloyatlari, shuningdek, Toshkent shahrining Olmazor tumani;

- Ichki ishlar vaziriga – Jizzax, Samarqand, Sirdaryo, Surxondaryo va Qashqadaryo viloyatlari.

Shuningdek, respublikaning barcha hududlarida quyidagicha amaliyot bosqichma-bosqich joriy etiladi:

- prokuratura organlari tomonidan ichki ishlar organlari bilan birgalikda mahallalar kesimida jinoyatlar aks ettirilgan tuman (shahar)larning elektron geoinformatsion xaritalari tuziladi va tizimli yuritiladi;

- xavflarni hamda jinoyatlarning sodir etish sabablari va sharoitlarini aniqlash, ularning oldini olish bo‘yicha o‘z strategiyalarini ishlab chiqadi. “Zamin” yangiliklarini “Facebook”da kuzatib boring