Olmazor tumanidagi YTH haqida maʼlumot berildi

5-oktyabr kunidan 6-oktyabrga oʻtar tunda taxminan soat 1.40 da Olmazor tumanidagi Farobiy koʻchasida 23 yoshli Mirayub M. ishonchnoma boʻyicha “Neksiya-3” rusumli avtomobilni boshqarib, koʻchani yorituvchi metall ustunga toʻqnashgan.

YTH natijasida haydovchiga ogʻir tan shikastlari yetgan boʻlib, u voqea joyida hayotdan koʻz yumgan. YTHning taxminiy sababi: haydovchi tezlikni sezilarli darajada oshirib, boshqaruvni yoʻqotgan.

Hurmatli haydovchilar! Yoʻl harakati qoidalariga rioya qilishingizni va tezlikni oshirmasligingizni soʻraymiz.