“Sahovat va ko‘mak” - xalqimizning azaliy qadriyati

Karantin davrida aholini ijtiomiy qo‘llab-quvvatlash maqsadida Majburiy ijro byurosi Andijon viloyati boshqarmasi tomonidan ham bir qator ishlar amalga oshirilmoqda. Aholining ehtiyojmand qismiga homiylik asosida kommunal to‘lovlardan bo‘lgan qarzdorliklarni bartaraf etilishiga ko‘maklashish shular jumlasidandir.
Bundan tashqari, ehtiyojmand oilalarga kundalik oziq-ovqatlar markazlashgan tartibda yetkazilishi ta’minlanmoqda.
Bunday xayrli ishlar kuni kecha Majburiy ijro byurosi tashabbusi bilan Andijon tumanida tuman prokuraturasi hamkorligida o‘tkazildi.

Xususan, imkoniyati cheklangan ikki nafar fuqaroga maxsus aravachalar, shuningdek, 10 dan ortiq oilalarga kundalik yeguliklar ulashildi.

Shu kunga qadar, Byuroning Andijon viloyati hududiy bo‘limlari tomonidan 130 dan ortiq kam ta’minlangan oilalarga yordam qo‘li uzatilib, oziq-ovqat mahsulotlari tarqatildi.

Shuningdek, 211 nafar iste’molchilarning 57 mln 245 ming so‘mlik, elektr energiyasi, tabiiy gaz hamda maishiy chiqindi xizmatlaridan bo‘lgan qarzdorliklari homiylik asosida to‘lab berildi.
Byuroning barcha bo‘limlari tomonidan bunday sahovat tadbirlari davom ettirilmoqda.

“Zamin” yangiliklarini “Youtube”da kuzatib boring