18:00 / 25.01.2021
2 051

Yurtimizga Erondan iliq havo massalari kirib, harorat ko‘tariladi

Yurtimizga Erondan iliq havo massalari kirib, harorat ko‘tariladi
Respublika Gidrometeorologiya markazi boshlangan haftada kutilayotgan ob-havo ma’lumotini e’lon qildi.
Oldingi hafta oxirida, sovuq ob-havoni vujudga keltirgan antisiklonning sovuq pereferiyasi ta’siri pasaya boshladi.

Bugun va ertaga respublikaning barcha hududlarida kam bulutli ob-havo bo‘lishi kutilmoqda, kunduz kunlari quyosh havo haroratini 3-8o iliqgacha ko‘taradi, kechalari esa 3-6o sovuq atrofida, ba’zi joylarda 8o sovuqgacha bo‘lishi saqlanib turadi.

Keyingi kunlarda respublika hududlariga Erondan iliq havo massalari kirib kelishi boshlanadi.

Barcha hududlarda asosan kam bulutli ob-havo bo‘lishi kutilmoqda. Harorat asta-sekin ko‘tariladi va haftaning oxiriga kelib kechalari 0-3o iliq, kunduz kunlari 12-15o iliq bo‘ladi, bu iqlim me’yorlaridan 4-6o ga yuqoridir.

25-27 yanvarda respublikaning tog‘li hududlarida qor ko‘chishi xavfi saqlanib turadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)