21:15 / 02.05.2021
4 242

Rasul Kusherbayev: Yo‘qolsin bunaqa erkaklar!

Rasul Kusherbayev: Yo‘qolsin bunaqa erkaklar!

Oliy Majlis Qonunchilik palatasi deputati Rasul Kusherbayev ham vaziyat bo‘yicha o‘z fikr-mulohazalarini yozib qoldirdi.
Bugun ertalabdan surxondaryolik qandaydir o‘qimishli vrachning o‘z jiyanining ayoli va yosh bolalarni urib, uydan haydamoqchi bo‘lgan videosi ta’bimni xira qildi. Kun shu kayfiyatda boshlandi.

Bilmadim nima uchun, biroq erkak kishining ayolga qo‘l ko‘tarishini ko‘rish juda azobli. Va, afsuski, bunday hodisalar o‘tmishda qolib ketgani yo‘q, balki ayni kunlarda ham ko‘z o‘ngimizda sodir bo‘lyapti.

Videodagi holat bo‘yicha bugunoq Ichki ishlar vazirligining mas’ullariga chiqdim. Ularning bildirishicha, maxsus ishchi guruhi holatni o‘rganishni boshlabdi.

Internet tarmoqlarida tarqalayotgan videodagi holatdan kelib chiqib, huquqni muxofaza qilish idoralari quyidagi jihatlarga albatta huquqiy baho berishlari shart, deb hisoblayman:

Birinchidan, yoshi katta erkak (erkak nomiga nomunosib bo‘lsa ham) ayol kishini yosh bolalari ko‘z o‘ngida kaltaklab tan jarohati yetkazgani;

Ikkinchidan, erkak kishining yosh bolalarning qorin sohasiga tepib, ularni ko‘z o‘ngida bola psixologiyasiga salbiy ta’sir o‘tkazuvchi harakatlar sodir etgani;

Uchinchidan, o‘sha zo‘ravon shaxsning o‘z nomiga o‘tkazib olgan uy joy bo‘yicha mavjud hujjatlarning asosliligi. Bunda Uy joy kodeksiga asosan bolalari bilan birga shu uyda kelin sifatida yashab, uy joy qurgan ayolning mulkdor sifatidagi huquqlariga putur yetgan yoki yetmagani;

To‘rtinchidan, zo‘ravon erkakning o‘z jiyanining xotini va onasini fohishalikda oshkora ayblashida tuxmat va haqorat elementlarining mavjud yoki mavjud emasligi;

Beshinchidan, ushbu erkakdan muttasil kaltaklanib kelgan ayol va uning bolalari yordam so‘rab profilaktika inspektori va mahalla raisiga qilgan murojaatlari ular tomonidan rad etib kelinganligining asosliligi.

Prokuratura organlaridan ushbu voqea bo‘yicha batafsil ma’lumot va zo‘ravon erkakning harakatlari bo‘yicha ko‘rilgan choralar haqida axborot kutamiz. Yo‘qolsin bunaqa erkaklar! — deydi depupat.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Rasul Kusherbayev: Yo‘qolsin bunaqa erkaklar!