ARTE fransuz-nemis teledasturi taqdim etgan «Ukraina: eng qimmat qiyofadoshlar» deb nomlangan hujjatli filmda o‘zbek, o‘zbekistonlik degan so‘zlar tilga olingan.
Film Rossiya-Ukraina urushi haqidagi Golluvud serialida rol ijro etayotgan aktyorlar, jumladan, Zelenskiy timsolini yaratayotgan uning qiyofadoshi Umidjon Isabayev haqida ham. Fransuz tilidagi hujjatli film Rossiyaning Ukrainaga e’lon qilgan «harbiy operatsiyasi» bir yilligi oldidan havola etildi.
Filmda Umidjon bilan birga ishlayotgan Putin va Shimoliy Koreya rahbari Kim Chen In qiyofadoshlarining tasvirga olish maydonidagi va hayotdagi munosabatlari olib chiqilgan.
Zelenskiy va Putin bir-birining qo‘lini siqib, tinchlik borasidagi sulhni imzolayotganida Kim Chen In bu qarorni quvvatlagan nigohda kuzatib turibdi. Bu olamshumul manzarani joylantirayotgan qiyofadoshlar aslida kim?
Real hayotda «Putin» transport kompaniyasini boshqaradi, «Kim Chen In» musiqa prodyuseri, «Zelenskiy» buyoqchi. Yigitlar – polyak, gonkonglik, o‘zbek. Ularning umumiy jihati – ziddiyatli davlatlar rahbarlariga quyib qo‘ygandek o‘xshashligida. 2022 yilda Rossiyaning Ukrainaga bosqini ana shu insonlar taqdirini ham o‘zgartirib yubordi.
Film haqidagi film fransuz tomoshabinlar o‘rtasida tilga tushganidan so‘ng «Xabar.uz» bugunda Germaniyada ijod qilayotgan Umidjon Isabayev bilan bog‘landi.
— Hujjatli filmda serialdagi voqealar chizig‘ida aktyorlarga oid savollar o‘rtaga tashlanadi. Masalan, Umid Isabayev bugunda nega Yevropada, u nega Rossiyadan ketdi? Axir u Moskvada yashar edi-ku! Ko‘p qismli filmda Vladimir Zelenskiyning talabalik davridan urush davridagi hayotini gavdalantirish uchun Isabayevni kim taklif qildi? U Gollivud ijodkorlari davrasiga qanday tushib qoldi? Uning Ukrainada qolishi qanchalik xatarli edi, kabi qirralar ochib berilgan, - deydi Umidjon.
Hujjatli film muallifi Lena Moger.
Darvoqe, Umid Isabayev Zelenskiy qiyofadoshi sifatidagi sarguzashtlari Moskva metrosida uni kimdir suratga olib, ijtimoiy tarmoqqa tarqatishidan boshlangan edi.
«Yaqinda Berlin metrosida ham suratga tushirishibdi», deya qo‘shib qo‘yadi u.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
