14:16 / 26.07.2016
10 848

Xonanda Madina Mumtoz Ozarbayjonda tilga tushdi

Xonanda Madina Mumtoz Ozarbayjonda tilga tushdi
So‘nggi vaqtlarda ijodga mahkam bel bog‘lagan xonanda Madina Mumtoz bugun erta tongdan kenja o‘g‘lining suratlarini ijtimoiy tarmoqdagi shaxsiy sahifasiga joylashtirishni boshladi. Bu haqda "Qalampir.uz" xabar berdi.

“Xayrli kun do‘stlar. Bolalar bilan bolalikka qaytib, g‘am-tashvishni unutamiz”, deb yozadi xonanda.

Ikki farzandning onasi bo‘lgan Madina Mumtoz ancha vaqtgacha oila va bola-chaqa tashvishi bilan bo‘lib, ijodni yig‘ishtirib qo‘ygandi. Biroz avval, xonanda ozarbayjonlik hamkasbi Ahmed Mustafoyev bilan “Sev meni” nomli duet qo‘shig‘ini saytimiz orqali taqdim etgan edi. Ma’lumotlarga qaraganda, mazkur qo‘shiq Ozarbayjon va Turkiyada allaqachon o‘z muxlislarini topib ulgurgan. Qo‘shiq, ayniqsa, Ozarbayjon radiolarida birinchilikni egallab kelayotgani haqida xabarlar mavjud. Ozarbayjonlik tinlovchilar o‘zbek qizining ozar tilida ravon kuylay olishi va ovoz imkoniyatlarini yuqori baholashyapti. Madina Mumtoz esa so‘nggi paytlardagi muvaffaqiyatlariga ko‘z yumib, yana uy yumushlariga berilib, ijodini yig‘ishtirib qo‘ymasa bo‘lgani.

Ma’lumot uchun, 14 yoshidan xonandalikni boshlagan Madina Mumtoz O‘zbekiston davlat konservatoriyasini tamomlagan. “Nihol” mukofoti bilan taqdirlangan. 2012 yilda turmush qurgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Xonanda Madina Mumtoz Ozarbayjonda tilga tushdi