17:17 / 09.08.2016
18 968

Yodgor Sa’diyev “Shaytanat”ning yangi qismi qachon chiqishini aytdi

Yodgor Sa’diyev “Shaytanat”ning yangi qismi qachon chiqishini aytdi
“Shaytanat” videofilmi o‘zbek kinosini tarixida o‘z o‘rniga ega. O‘zbekiston xalq artisti Yodgor Sa’diev ijrosidagi Asadbek obrazi hamon tomoshabinlar xotirasida yashab kelmoqda. Sa’dievni haligacha Asadbek deb chaqiradiganlar ham bor. O‘zbek milliy akademik drama teatrining aktyori, O‘zbekiston xalq artisti Yodgor Sa’diev “Qalampir.uz” saytiga bergan intervyusida “Shaytanat”ning 21-qismi ustida ishlayotgani haqida ma’lum qildi.

“Bundan bir necha yil ilgari “Shaytanat”ning 21-qismini suratga olib qo‘ygandik, montaj qilinmagandi. Turmush o‘rtog‘im “Shuni oxiriga etkazing”, deb o‘zi ham ko‘rmay ketdi. Hozir uning shu iltimosini bajaryapman. Montaj tugadi, endi ovozlashtirish ishlarini nihoyasiga etkazsak, uning iltimoslaridan birini bajargan, ruhini shod qilgan bo‘laman”, deydi Yodgor Sa’diev.

Aktyor suhbat davomida O‘zbekiston xalq yozuvchisi Tohir Malikning to‘rtta asari ustida ish boshlagani, “Murdalar gapirmaydi” nomli asari asosida film suratga olmoqchiligini ham aytdi.

Suhbat davomida O‘zbekiston xalq artisti Yodgor Sa’diev turmush o‘rtog‘ining vafotidan so‘ng ancha qaddi bukilgani biroq tushkunlidan chiqib ketishga harakat qilayotgani, rafiqasining so‘nggi iltimosi haqidagi sirlarini ochdi.

Manba: Qalampir.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Yodgor Sa’diyev “Shaytanat”ning yangi qismi qachon chiqishini aytdi