14:17 / 25.02.2024

Saida Mirziyoeva Dohada dizayn biennalesida ishtirok etmoqda (foto)

^{Foto: Telegram / Saida Mirziyoeva}
Qatar poytaxti Doha shahrida “Hunarmand Oʻzbekiston: tolalardagi an'ana” koʻrgazma loyihasi taqdim etilishi haqida xabar berilgandi. Unda prezident yordamchisi Saida Mirziyoeva ham ishtirok etmoqda.

“Biz shu kunlarda Qatarning poytaxti Doha shahrida boʻlib oʻtayotgan dizayn biennalesida Madaniyat va san'atni rivojlantirish jamgʻarmasi bilan birgalikda Crafting Uzbekistan: Tradition in Threads koʻrgazma loyihasini taqdim etmoqdamiz.

Ushbu tadbirda ham mahalliy, ham mintaqaviy, ham global miqyosda dizayn sohasiga oid ilgʻor tajribalar almashinuvi boʻlib oʻtadi. Undagi ishtirokimizdan mamnunman”, — deb yozdi Saida Mirziyoeva ijtimoiy tarmoqdagi sahifasida.

^{Foto: Telegram / Saida Mirziyoeva}

^{Foto: Telegram / Saida Mirziyoeva}
Uning bildirishicha, “Hunarmand Oʻzbekiston: tolalardagi an'ana” koʻrgazmasida Oʻzbekistonning boy hunarmandchilik an'analari bilan zamonaviy ijod uygʻunligi namoyish etilmoqda.

“Koʻp asrlik tarixga ega hunarmandchiligimizning bebaho merosi bizni an'ana va madaniyatimizni asrab-avaylashga undaydi”, — dedi Saida Mirziyoeva.

^{Foto: Telegram / Saida Mirziyoeva}

^{Foto: Telegram / Saida Mirziyoeva}
U Qatar Muzeylar idorasi vakillariga global madaniy almashinuvni rivojlantirish va badiiy innovatsiyalar yaratish yoʻlidagi harakatlari, shuningdek, biennalega taklif uchun minnatdorchilik bildirdi.