Anjelika Yesimbetova yangi klipda yorqin obrazda: traktorchi Yorqinxo‘ja Umarov bilan

O‘zbekiston shou-biznes olamida o‘zining o‘ziga xos obrazi va iste’dodi bilan ajralib turadigan aktrisa Anjelika Yesimbetova muxlislariga yangi syurpriz tayyorlamoqda. Bu safar aktrisa xonanda Yorqinxo‘ja Umarovning yangi klipida noodatiy obrazda ishtirok etmoqda.

Ijtimoiy tarmoqlarda tarqalgan suratda Anjelika Yesimbetovani qishloq ayoli obrazida, traktor oldida turib, Yorqinxo‘ja Umarov bilan samimiy va xursand kayfiyatda ko‘rish mumkin. Yorqinxo‘ja esa traktorchi obrazida, ish kiyimi va qo‘lqop bilan «dalaviy muhit»ni yaratishga harakat qilgan.

Bu noodatiy hamkorlik ijtimoiy tarmoq foydalanuvchilari orasida katta qiziqish uyg‘otdi va muxlislar tomonidan qizg‘in muhokama qilinmoqda. Anjelika Yesimbetova o‘zining tabiiy aktyorlik mahorati bilan tomoshabinlar ko‘nglida doimo chuqur iz qoldirib keladi. Yorqinxo‘ja Umarov esa o‘zining betakror qo‘shiqlari bilan xalq mehrini qozongan xonandalardan biridir.

Hozircha yangi klipning nomi va syujet tafsilotlari sir saqlanmoqda. Ammo aktrisaning bu kabi g‘ayrioddiy va qiziqarli obrazi klipning muvaffaqiyat qozonishiga zamin yaratishi aniq. Anjelika va Yorqinxo‘janing bu ijodiy hamkorligi natijasida qanday klip tayyorlanishini muxlislar sabrsizlik bilan kutishmoqda.

Zamin.uz tahririyati mazkur klip haqidagi yangiliklarni sizga o‘z vaqtida yetkazib boradi. “Zamin”ni Telegramʻda oʻqing!